कञ्चनपुरमा हात्तिको आक्रमणबाट एक जनाको मृत्यु

महेन्द्रनगर । कञ्चनपुरमा हात्तिको आक्रमणमा परि एक बालिकाकोे मृत्यु भएको छ भने एक जना घाइते भएका छन ।
जिल्लाको लालझाँडी गाउँपालिका–६ स्थित चानदेवका किसन सिंह साउँदको घरमा हात्तिले आक्रमण गर्दा साउँदका ६ वर्षिया छोरी रोजिना साउँदको मृत्यु भएको जिल्ला प्रहरी कार्यालय कञ्चनपुरले जानकारी दिएको छ । प्रहरीका अनुसार गएराति करिब २ः३० बजेको समयमा जंगली हात्तिले साउँदको घरमा आक्रमण गरेको थियो । घरमा हात्तिको आक्रमण भएपछि भाग्ने क्रममा साउँदका ५५ वर्षिया आमा पार्वती साउँद घाइते भएका छन । घाइतेको महेन्द्रनगरमा उपचार सम्भव नभएपछि थप उपचारका लागि धनगढी रेफर गरिएकामा घाइते ६ वर्षिया रोजिनाको उपचारका क्रममा धनगढी स्थित नवजीवन अस्पतालमा मृत्यु भएको हो ।