कञ्चनपुर –२ मा कांग्रेसबाट एनपी साउँद उम्मेदवार

महेन्द्रनगर । नेपाली कांग्रेसले कञ्चनपुर क्षेत्र नम्बर २ बाट एनपी साउँदलाई उम्मेदवार बनाउने भएको छ ।
सोमबार बसेको पार्टीको संसदीय बोर्ड बैठकले साउदलाई कञ्चनपुर–२ बाट उम्मेदवार बनाउने निर्णय गरेको कञ्चनपुरको बेदकोट नगरपालिकाका नगर सभापति तुलाराम शाहुले जानकारी दिए । २०७९ को निर्वाचनमा यस क्षेत्रबाट निर्वाचित भएर परराष्ट्रमन्त्री भएका थिए । उनी शेरबहादुर देउवा निकटका नेता हुन । कांग्रेसले कञ्चनपुर क्षेत्र नम्बर १ बाट क्षेत्रीय सभापति गोपीप्रसाद उपाध्यायलाई टिकट दिएको छ । उनी पहिलो पटक निर्वाचन लड्न लागेका हुन । कञ्चनपुर क्षेत्र नम्बर ३ मा उम्मेदवारको टुंगो लाग्न बाकिँ छ । यो क्षेत्रबाट पूर्वगृहमन्त्री रमेश लेखक चुनाव लड्दै आएका छन ।