अल इन्डिया गोल्डकप खेल्ने नेपालको ए क्रिकेट टोलीको विदाइ

महेन्द्रनगर । कञ्चनपुरको भीमदत्त नगरपालिका र कञ्चनपुर जिल्ला क्रिकेट संघले अल इन्डिया गोल्ड कप क्रिकेट प्रतियोगिता खेल्ने नेपालको ए राष्ट्रिय टोलीको विदाई गरेको छ ।
बिहिवार भीमदत्त नगरपालिकाका नगर उप–प्रमुख निलम जोशी र जिल्ला क्रिकेट संघ कञ्चनपुरका अध्यक्ष विरेन्द्र वहादुर चन्दले भारतको उत्तराखण्डमा सञ्चालन हुने ४२ औं अल इन्डिया गोल्ड कप क्रिकेट प्रतियोगिता खेल्ने नेपालको ए राष्ट्रिय टोलीको विदाई गरेका हुन । नेपाली टोलीमा कप्तान अनिल कुमार साहको नेतृत्वमा टोली गड्डाचौकी नाका भएर भारत प्रस्थान गरेको छ । टोलीमा मयन यादव, तृत राज दास, देव खनाल, रसिद खान, बसिर अहमद, नारायण जोशी, आकाश चन्द, हेमन्त धामी, पवन सराफ, दीपक डुम्रे, युवराज खत्री, विपिन खत्री, ललित राजवंशी  र अर्जुन कुमाल रहेका छन । नेपालले प्रतियोगितामा जुन ३० मा केरलासँग पहिलो खेल खेल्नेछ । त्यसपछि नेपालले जुन ३१ मा गोवा र जुन २ मा ओडिसासँग खेल्नेछ । प्रतियोगिताको क्वार्टरफाइनल जुन ४ मा, सेमिफाइनल जुन ६ मा र फाइनल जुन ७ मा हुनेछ ।
नेपाल ए का प्रशिक्षक राजु बस्न्यातले नेपाल ए को टोली उत्तराखण्डमा गएर भारतका विभिन्न राज्यका टीमहरुसंग प्रतियोगिता खेल्ने बताउनुभयो ।